He aha te rangahau nei e hira ai?
E tino kitea ana ngā whara upoko pēnei i te mātengatenga. Mō te nuinga o ngā kēhi ka tere te whakamātūtū o te tangata. Mō ētahi kēhi, ka puta ngā tohumate e haere tonu ana, ā, ka roa ake pea te whakamātūtū. E mōhio ana mātou he uaua ki te tangata te kimi āwhina ki te kore e tere noa tōna whakamātūtū.
Kia māmā ake ai te āheinga a te tangata ki te āwhina, mā mātou e whakamātautau tētahi tukanga aromatawai hou i roto i te taiwhanga ohotata. Ko te whāinga a te tukanga ko te tautuhi i te tangata e noho tūraru nei pea o te whakamātūtū e roa ana, kia whakatūturu ai kua tukuna rātou mō tētahi toronga turuki.
Ko te tūmanako, mā tēnei tukanga hou e āwhina ai ngā tākuta kia tukuna te tangata ki te tiaki tika hei te wā tika.
Ka aha ā muri atu?
Tērā ngā hōhipera e whā e whai wāhi atu ana ki tēnei rangahau (te hōhipera o Middlemore, o Whakatū/Nelson me Marlborough, o te takiwā o Te Whanganui-a-Tara (Wellington Regional Hospital) me Tāhuna (Lakes District Hospital Queenstown). Mēnā he pakeke koe i pāngia ai e tētahi wharanga upoko, ka mutu i toro atu koe ki tētahi o ēnei taiwhanga ohotata, ka whakapāngia pea koe e tētahi kaimahi nō te hōhipera kia mōhio ai ia mēnā ka hiahia koe ki te whai wāhi atu.
Ki te hiahia koe ki te whai wāhi atu, ka tūhono te kaimahi i a koe ki tētahi kairangahau, māna e whakautu āu pātai, māna hoki e whakarato ētahi atu mōhiohio māu. Mēnā e pai ana ki a koe te whai wāhi atu, ka whakaritea e te kairangahau he wā kōrero hei te kotahi me te ono marama whai muri iho i tō wharanga, kia mōhio ai ia e pēhea ana koe. Ka taea tēnei hui turuki te whakahaere mā te waea, mā te huiata, mā te ipurangi, kanohi ki te kanohi rānei i ētahi wā.
Kātahi mātou ka whakataurite i te āhua o te whakamātūtū o te tangata i mua, i muri hoki i tēnei huarahi hou, kia mōhio ai mēnā he painga kei roto.
Please contact Jason Chua on Jason.chua@aut.ac.nz or phone/text 021965188 if you have any questions.
